Zabur. Dovud Payg`ambarning 22-Sanosi Xudovand-Cho`ponim Xudovand - Cho`ponim mening, Men muhtojlik ko`rmayman aslo. U meni yam-yashil yaylovlarda yotqizar, Orombaxsh suvlar bo`ylab yetaklab borar. Jonimga U tetiklik kiritar, O`z nomi uchun meni to`g`ri yo`lga boshlar. O`lim vodiysi zulmatida yursam ham, Dahshatlardan men qo`rqmayman. Chunki Sen menga hamrohdirsan, O`z hassangu xiviching menga tasalli berar. Yovning ko`z o`ngida menga dastur`on tuzagansan, Xushbo`y moy ila moylagansan boshimni, Lim-lim to`ldirgansan kosamni. Umrim bo`yi hayru inoyat izimdan yurar, Bor kunlarim Xudovand uyida o`tar.